අයි ඩෝන්ට් නෝ වයි? man Vs women III ගෑනුන්ගේ අලි පස්ස

අයි ඩෝන්ට් නෝ වයි?man Vs women I

අයි ඩෝන්ට් නෝ වයි? man Vs women II වහෙන් ඔරෝ!

ගැහැනුන්ට අලි පස්සක් තියෙන්නෙත් පිරිමින්ට රා බඩක් එන්නෙත් ඇයි???

පස්ස......අපි ඉස්සර ඉස්කෝලෙ යන කාලේ පස්සට කිව්වේ බස් එක කියලා...අම්මෝ බලන්න එපැයි සමහර කෙල්ලොන්ගේ බස්...මං ක්ලාස් යන කාලේ ඒ දවස් වල හැටියට ලොකුම බස්  එක තිබ්බ කෙල්ලගේ නමයි මූනයි මට අද වගේ මතකයි..මුලු කළුතරටම තිබුනේ නෑ ඒ වගේ බස් එකක්..සමහරුන්ගේ ඒවා ඩබල් ඩෙකර්..සමහරුන්ගේ ඒවා ටාටා..ඩීමෝ,රෝසා,අශෝක් ලේලන්ඩ් අරවා මේවා අස්සේ තනි දොරේ ලේලන්ඩ් එහෙම නොතිබුනාම නෙවෙයි..ඒවා දිහා නම් බැලුනෙ කලාතුරකින් තමයි..ක්ලාස් වල ලෑලි බංකුව උඩ බස් එක පැය ගානක් පාක් කරන් ඉන්න එක තමා ඒ දවස් වල තිබුන අමාරුම වැඩේ!
එහෙනම් අද කතාවට එන්ටර් වෙමු!

හැබෑටම බවලත් උදවියට සාපේක්ශව ලොකු පස්සක් එන්නේ ඇයි?




ඊට කලින් පස්ස හැදිලා තියෙන විදිහ පොඩ්ඩක් බලමුද?
අපි සාමන්‍ය වහරෙදි පස්ස කියලා හදුන්වන ප්‍රදේශය හැදිලා තියෙන්නේ මෙන්න මේ අස්ථිය සහ තට්ටම් ආශ්‍රිත ප්‍රදේශයේ තෙල්(මේද) තැන්පත් වෙලා..

ඒ කියන්නේ පස්ස = අස්ථිය + තට්ටමේ මාංශ පේශි


ලොකු පස්සක් ඇතිවෙන්න හේතු දෙකක් තියනවා..

     1. ඔය අස්ථියට සිංහලෙන් කියන්නේ ශ්‍රෝණිය කියලා(Pelvis)මේක ගැහැනු අයගේ පලලින් වැඩි පිරිමි අයට වඩා..පිරිමි අයගේ ඔය දැපැත්තේ තියන පිහාටු වගේ කෑලි දෙක උරහිස මට්ටමට වඩා පලලට යනවා ගොඩක් අඩුයි..හැබැයි ගැහැනු අයගේ නම් උරහිස මට්ටමට වඩා පලලට යනවා වැඩිවියට එලඹීමත් සමගම..ඒ හේතුව නිසා තමයි අපි කවුරුත් අද මේ ලෝකේ ඉන්නෙ..අපි කවුරුත් දන්න ගර්භාශය පිහිටලා තියෙන්නේ මේ කියන අස්ථිය ඇතුලේ..ඒ නිසා කළලයට ඒ තුල වැඩෙන්න හා මේ ලොව බිහිවීමට අවශ්‍යය ඉඩ තමයි එලෙස ලබා දීලා තියෙන්නේ..

   

   
     2. ගැහැනු හා පිරිමින්ගේ ඇඟේ මේද නිපදවෙනවා..මේවා නිපදවෙන්නේ මේද සෛල වලින්.ගැහැනු අයගේ තියනවා ප්‍රොජස්ටරෝන් කියලා හෝමෝනයක්.මේ හෝමෝන් එක මේද සෛල උතේජනය කරනවා..ඔය හෝමෝන් එක ගොඩක්ම ක්‍රියාකාරී වෙන්නේ වැඩිවියට පත් උනාම..ඔය හෝමෝන් එක නිසා මේදය තැන්පත් වෙනවා තට්ටම් වල තියන මාංශ පේශී වල,කලවා ආශ්‍රිතව හා පියයුරු ආශ්‍රිතව..
මේ මේද ශොක් ඇබ්සෝබර් එකක් විදිහට වැඩ කරලා කළලයට දැනෙන කම්පන එහෙමත් අඩු කරනවා..(ස්ත්‍රියකගේ ඔසප් වීම් නැවතුනාට පස්සේ ඔය හෝමෝනය ඇඟේ අඩුවෙනවා..මේ නිසා ඔය කලවා,තට්ටම් ආශ්‍රිත මේද උදරය දෙසට සංක්‍රමනය වීම නිසා එයාලගෙත් බඩ ඉදිරියට නෙරනවා..හැබැයි පිරිමි තරම් නෑ)

ඔන්න ඔය නිසා තමයි ගැහැනු උදවියට ලොකු පස්සක් තියෙන්නේ!

අලි පස්සක් තියෙන්න මේකත් හේතුවක් කියලා ඇනෝ කෙනෙක් අදහස් දක්වලා තිබුනා.ඇත්ත..විවිධ කල්පිතයන් තියෙන්න පුලුවන් එකම සිද්දියකට..මේ තියෙන්නේ ඒ අදහස..මං හිතන්නේ මේකත් එක හේතුවක් වෙන්න පුලුවන්!
     
     ශරීරයේ මේද තැන්පත් වීම (විශේෂයෙන්ම ආසියාතිකයින්ගෙ ) මානව පරිණාමයෙදි අපේම යහපතට වෙච්චි දෙයක්. ආසියාව කියන්නෙ ඉස්සර සාගත බහුල කලාපයක්. ඉතින් දීර්ඝ සාගත කාල වලින් පුළුවන් තරම් ආරක්ෂා වෙන්න ස්වභාව ධර්මය දරපු උපාය තමයි පුළුවන් කාලෙට ශරීරයෙ මේද තැන්පත් කිරීම. එතකොට ආහාර හිඟ කාලෙට ඒවා භාවිතාවට ගන්න පුළුවන්. තැන්පත් කරන්නෙ කොතැනද කියන එක වයස අනුව ස්ත්‍රී පුරුෂ භාවය අනුව වෙනස් වුණා. ස්ත්‍රීන්ගෙ නිතඹෙ මේද තැන්පත් වෙන්න ඔබ කියපු හේතුව වගේම නිතඹ ලිංගික ආකර්ෂණය ඇති කරවන තැනක් වීමත් ප්‍රධාන වුණා. පියයුරු ගැනත් මේ ටිකම කියතැකි. මිනිසාගෙ තැන්පත්වුණා ලෙහෙසිම තැන


පිරිමි අයගේ ඔය හෝමෝන් එක තියෙන්නේ බොහොම සුලු ප්‍රමානයයි.ඒ නිසා හෝමොනමය බලපෑමක් නැති තරම්..ඒත් එයාලගේ තියන මේද සෛල හැඩගැහිලා තියෙන්නේ මේදය උදරය ආශ්‍රිතව තැන්පත් වෙන විදිහට..


ඒ නිසා තමයි පිරිමි අයට කලගෙඩි බඩක් එන්නේ! :)

පිරිමින්ගේ මේද ව්‍යාප්තිය නිසා ඇතිවන වාසි අවාසි ගැන මහ වෙදනා දක්වපු අදහසත් මෙතනින් දැම්මා වැදගත් නිසා..
    ඔබ දන්නවද කොහොමත් ආසියාතිකයින්ගේ පිරිමි ගැහැනු කාගේත් බඩ ලොකු වෙනවා. සාපේක්ෂව යුරෝපියයන්ට වඩා. නමුත් යුරෝපියයන්ගේ වැඩියම උදරයට ඉහල කොටස තමයි ඉදිරියට නෙරන්නේ. ෆුල් බොඩි. එහෙමත් නැත්නම් ලොකු පපුව. මේකටත් හේතුව වෙන්නේ මේදය තැන්පත් වීමේ රටාව. අපේ බඩේ, එයාලගේ පපුවේ. මෙකෙන් වැඩි වාසි වෙන්නෙ එයාලට ඒ නිසා එයාලගේ කොරනරි ආටරි ටිකක් විශාලයි. මේදය අවහිරවීම් අඩුයි. අපේ ආටරි කුඩයි, මේදය තැන්පත් වීම වැඩියි. මේ නිසා ආසියාතිකයින්ගේ හෘද රෝග වැඩි වෙලා තියනවා