අයි ඩෝන්ට් නෝ වයි V. How to understand women? ස්ත්‍රීයක තේරුම් ගන්නේ කෙලෙසද? (mens special)

මගේ බ්ලොග් එක ඉතින් පෘට් සැලඩ් එකක් කියලා කට්ටිය දන්නවනේ. කාලෙකින් ජෝක්ස් එකක් දාන්න බැරිවෙච්ච නිසා ඔන්න අද හිනා වෙන්න කැමති අයටයි පෝස්ට් එක.

හරි ඔන්න එහෙනම් කතාවට එන්ටර් වෙමු!
කියවලා හිනාවෙලා ලේ පිරිසිදු උනා නම් ඒ පින මගේ ගිණුමට බැර කරනු මැනවි!

ඔන්න ෂේප් එකේ බැඳලා තිස් ගනන් වල මුල වගේ ඉන්න ජෝඩුවක කතාවක් මේක..

බොහෝම ආදරෙන් වෙලිලා එතිලා ඉන්න මේ ජෝඩුව ඔන්න රෑ කෑම එහෙම කාලා කාමරයට එන්ටර් උනාලු. නෝනා ඉතින් කණ්නාඩි මේසෙ ඉස්සරහින් වාඩිවෙලා කොන්ඩෙ පීරන අතර නැගිටලා කණ්නාඩිය ඉස්සරහා එහෙට මෙහෙට කැරකෙනවා මහත්තයා ආසාවෙන් බලං හිටියලු.
හෙට අනිද්දට වයිෆ් ගේ උපන්දිනෙත් ලඟ ලඟම ඉන්න නිසා මහත්තයා ඇහුවලු

          "බබා.. ඔයාට උපන්දිනේ දාට මොනවද ඕන" කියලා..

          වයිෆ් කණ්නාඩිය දිහා බලා ගෙනම ඇහැක් අඩවන් කරලා
           "I want to be twenty six again"(මට ආයෙත් විසි හයක් වෙන්න ඕන) කියලා කිව්වලු!


ඕං කොහොම හරි කෙල්ලගේ උපන්දිනේ දවසත් උදා උනාලු. උදෙන්ම ඇහැරිච්ච හස්බන්ඩා පරිප්පුවකුත් උයලා පාන් ගෙනල්ලා (වත්මන් ලංකාවේ සුඛෝපභෝගී කෑමක් ලෙස සලකනු ලබන බැවින්) කලින් දවසේ ගෙනාපු සීයට පහයි නාරං වලින් ජූස් එකකුත් හදලා, වත්ත පහලින් කඩා ගත්තු මල් පොකුරක් එක්ක ඇඳ ගාවටම ගෙනිහින් හෙන රොමෑන්ටික් විදිහට බ්‍රෙක්ෆස්ට් එක ගත්තලු.

පස්සෙ දෙන්නත් එක්කම බයික් එකේ ගිහින් තුරුල් වෙලා ගිහින් 'බෝම්බ සහ රෝස' බලලා එහෙම දවල්ටත් හලාල් නැති පොට් එකක් බලලා එලියෙන් කාලා ගෝල්පේස් ගිහින් එද්දි හවස් වුන නිසා එහෙමම නයිට් ක්ලබ් එකකට හැරෙව්වලු. ( ලංකාවේ ත්‍රීවීල් අයියලාත් නයිට් ක්ලබ් යන කාලෙක මෙය නොවිය හැක්කක් ලෙස නොසලකන්න) ගිහින් හොඳට ඇතිල්ලි ඇතිල්ලි නටලා ගෙදර ඇවිත් වොශ් එකක් එහෙම දාගෙන් ඇඳට උනාලු. ඊට පස්සෙ ඉතින් අහවල් කාරියත් කරලා දෙන්නා දැන් තුරුල් වෙලා ඉන්න ගමන් හස්බන්ඩා අහනවලු

     ඉතින් ඩාලිං... ඔයාට ආයෙම විසි හයට ගියා වගේ දැනුනද?

     ඈඈඈ....

     ඇයි බබා ඔයා එදා කිව්වේ 'I want to be twenty six again කියලා...

ගෑනි රැව්වලු රැවිල්ලක්...
     ඒ මං කිව්වේ මගේ වෙස්ට් සයිස් එක ගැන මනුස්සයෝ....

ගත යුත්ත : ඔබ කොතෙක් සාවදානව අසා සිටියත් ඔබ තේරුම් ගන්නේ වැරදියටමයි! ඒ නිසා තේරුම් ගන්න උත්සහ නොකරන්න!

-------------------------------------------------------------------------------------------------------------------------

ඉස්ටෝරි නම්බර් ටූ :

ඔන්න බැඳපු ගෑනු මනුස්සයෙක් දවසක් කැලෑ පාරකින් යද්දි "ස්ස්..ස්ස්ස්" කියලා සද්දයක් ඇහුනලු!
වල් කොල්ලො ටිකක් වෙන්ඩ ඇතියි කියලා හිතපු මේ බවලතාත් ගනං ගන්නෙ නැතුව ඇවිදන් යනවලු.
ඒ පාර අර ස්ස්.. සද්දෙ ටිකක් ලඟින් ඇහෙනවලු. බැලින්නම් පඳුරක් අස්සෙන්ලු!

ටිකක් සෝදිසි කරලා බැලින්නම් පොඩි ගෙම්බෙක් ඉන්නවලු!

"මහත්මිය!"

බවලතා උඩ ගියාලු! ටෝකින් පැරට්ලා දැකලා තිබ්බට ටෝකින් ගෙම්බෙක් ගැන කුමාරිගේ කතාවේ අහලා තිබ්බට දකින පලවෙනි වතාව නොවැ.
කුමාරිට කුමාරයාව සැට් උනා වගේ මටත් සුවීප් එකක් ඇදෙයි කියලා හිතාන බය පැත්තකින් තියලා මෙයත් සීන් එකට එන්ටර් උනාලු;

"මහත්මිය. පුදුම නොවන්න...."

"මා බලගතු ගෙම්බෙක් මි! මා මේ උගුලට අසු වී ඇත.. මා නිදහස් කර දෙන්නේ නම් ඔබ කැමති වර 3ක් වහ වහා ලබා දෙන්නෙමි !"

බවලතාත් ඉතින් වැඩේ හරි තමයි කියලා හිතාන උගුලෙන් ගෙම්බව නිදහස් කලාලු.

"ස්තුතියි..අනේක වාරයක්! ඒසේනම් ඔබට වූ පොරොන්දුව ඉටු කරන්නට දැන් කාලය එලඹ ඇත.
නමුත් එක කොන්දේසියක් තිබෙන බව මා පැවසිය යුතුය. ඔබගේ දෑතේ මංගල මුදුවක් ඇති බව මට පෙනේ. ඒ නිසා ඔබ ඉල්ලන වරය මෙන් දස ගුණයක් ඔබේ සැමියාට ලබා දෙන්නෙමි "

බවලතා පොඩ්ඩක් කල්පනා කරකා ඕකේ කිව්වලු!

පලවෙනි වරය!

     "  මට මේ ලෝකේ ලස්සනම ගෑණිය වෙන්න ඕන!" ( සෝ ප්‍රෙඩික්ටබල් නේ ;p)

ගෙම්බා අනතුරු ඇඟෙව්වලු එහෙම උනොත් ලෝකෙ ලස්සනම මිනිහා වෙන්නේ හස්බන්ඩා බවත් ඒ නිසා ගැහැණු ඔහුට ඉන්න දෙන එකක් නැති බවත්!
බවලතා කිව්වලු ඒකට කමක් නෑ. ලස්සනම ගැහැණිය මං නිසා එයාගෙ ඇස් මගෙන් එහාට යන එකක් නැහැ කියලා!

ඒඒඒඒඒඒඒඒඒඒඒඒඒඒඒඒස්වාහ්හ්හ්!

පුදුමයකි! අසුරු සැනින් ප්‍රියංකා චොප්රලා කැලේය!

දෙවෙනි වරය!

     " මට මේ ලෝකෙ වැඩියෙන්ම පෝසත් එක්කෙනා වෙන්න ඕන!"

අයෙත් ගෙම්බා වෝනින් එකක් ඉෂූ කලාලු! ගෑනි ඕකෙ එක දුන්නලු!
ඊගාව මොහොතේ ඇය ලොව ධනවත්ම ගැහැනිය බවට පත් උනාලු!

තෙවෙනි වරය!

ලස්සනත් තියෙනවා.. සල්ලිත් තියෙනව.
දැන් මොකද කරන්නේ කියලා කල්පනා කරලා කපටි සොරි ඥානවන්තව කල්පනා කරලා කිව්වලු

     "මට පොඩීඊඊඊඊඊඊ හාට් ඇටෑක් එකක් ඕන" කියලා.

ගෙම්බා ආයෙම මතක් කලාලු! ඔබ දන්නව කොන්දේසිය..ඒ වගේම ඉල්ලීමේ බැරෑරුම්කම! ඔබට වගේ දස ගුනයක් ඔබේ සැමියාට හිමි වන බව!  බවලතා ඕකේ එක දුන්නලු!

ඒඒඒඒඒඒඒඒඒඒඒස්වා!

.
.
.
.
.
.
.
.
.
.
දැක්කද..? ගැහැනු කොයි තරම් ඥාන්වන්තද කියලා! ලේසි නැහැ නේ?

ඔබ පාඨිකාවක් නම් කතාව මෙතනින් අවසාන වන බව කරුණාවෙන් සලකන්න!

බෝයිස්ලා ඇන්ඩ් අංකල්ලා..පහලට!
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
 අර බවලතාට වගේ දහ ගුනයක් පොඩි හාට් ඇටෑක් එකක්ලු හස්බන්ඩ්ට හම්බ උනේ! :D :D
ගැහැණු හිතන්නේ එයාලගේ මොලේ තමයි මොලේ කියලා!! :D


ඔබ පාඨිකාවක් නම් සහ තවමත් මෙය කියවනවා නම්!
කියන දෙයක් අහන්නෙම නැහැනේ මුං! -___-